أضغط ضغطه
راح تطلعلك صفحة جديده
ال ( admine ) فيها اسمه الشعب
العضو الأول كان سكه
العضو التاني ... قدم الشمس
( video )
تراتيل سلام
ويّا سجادة صلا
والميدان
فارد جناحه
ف السما
( photo )
كاريكاتير
على ضهر كينتاكي
اللي صدّا
ف الميدان
( comment 1 )
الدخول هنا ببلاش
والقعاد مافيهوش كاشات
( comment 2 )
الأجنده
صفحة بيضا
لأنها
بنت المكان
( comment 3 )
لكن مكارثي
رافض يشوف
صورة الحقيقه
والزمان
( video )
إشارة خضرا
بيعدي منها ميت جبان
واللي رفض ... يفتح إشارته للخراب
بدمه عدى
للأمان
( note )
من بني آدم
لكن عفريت
طلع فكرة
حرك أمة
في الحلم ذكي
في الحسبه
حويط
............
.............
عروستي
( share )
.............
.............
عروستي
( video )
ظابط ساعته
على صرخت الحلم اللي ماشيه
ف الشوارع
ولما ثارت ساعته فجأه
لان وكسرها العقارب
( note )
أقر أن أبني الوحيد
مامتش من شظية عميله
أن موتة الطفل كانت
حادثه مش قتل وجريمة
............
............
حازروني وقالوا يابني
خلي بالك ... للشظية عيله
( لما نزف الجرح قال
لصحابه أوعوا تقولوا لأمي
عشان ماتضربنيش لأني
جيت هنا من غير ماتعرف )
( note )
مابيسمعش
لكنه سامع نبضها
ولما صرخت رصاصة فاجره
بدمه وشوش
حلمها
(chat )
الحرية : الحلم طياره ورق
طايره بحبال عنكبوت
القهر : الحلم صورة بربرية
لقطه ثابته للجحود
الحرية : اللقطه واقع
القهر : اللقطه وهم
الحرية : اللقطه صورة وألف صوت
اللقطه سكه للبراح
سكناها روح
بره الحدود
إحدى المليونيات
