خطوتين وتلاقي راسك "
"ساندة روحها ع الرصيف
وعنيك بيكسيها البياض
لون الخضار أصبح يساوي أي شيء
سفر الخروج أصبح ملازم خطوتك
عيش دنيتك
...وانتظر
على باب زويلة
رجع تاريخك وابتدي *
خطوتين
وتلاقي جسمك
في انتظار طعم الضريح
... شكل الوجع
شوفه بعنيك وما تلمسوش
العب ف ترتيب التاريخ
اعكس مشاهد
الزيني نادى بأعلى صوت *
القلعة معروضة ف مزاد
.... مين يشتري غير الـ
المشاهد فيها حاجة اتلخبطت
كرسي الوزير
موش ملك يوسف
وسليم بيتنازل لحد ما يعرفوش
راس الجبرتي
معروضة برضه في المزاد
مين يبتدي أول كلام ؟
سيب المُشاهد ينهي هو القصة ديه
وانت ابتدي
ف العتمة أول خطوتين
ليست هناك تعليقات:
إرسال تعليق