إهداء
إلى يحي قدري
" أنا وإنت مربع ناقص ضلع "
قلبك
اللي رفض بشدة يندفن معاك
فـ نقعوه الورثة
ف كام بحر حددت عمقهم
بحجم الملوحة
اللي حشروها ف بقك زمان
مع نضارتك
اللي من تاريخ وفاتك
اتشرخت منها عدسة واحدة بس
وكاميرا لعبة
ثابتة على صورة واحدة للمسيح
( بالزي العسكري )
واقف .. ما بين خرفانه المخصية !
Stand by \ Action
" قررت أن أتنحى تماما ونهائياً
عن أي منصب رسمي "
للتكافؤ
بتعلن
هجرة غير شرعية
لإلكترونا مدارك الخارجي
وبتضحك ع التماسيح
اللي بتدخل أوضتك
وفجأة بيجيلها رشاح أنفي
قدام صورة العدرا وهي شايلة " جيفارا "
فتتعاص مناديلهم ..
Cut
" لما نكبر ممكن نتجوز "
ف أوضة الإكسسوارات
لاعب أوركسترا بيلعب ف السلم الموسيقي
D تأميم
Le شريانك
C الأورطي
بس
التصقيف ف الـ " Location " كان متوقع
والمافيولا بتـ " Zoom "
3 طيارات مش ورق
أزيزها بيعمل sound Effecs للـ Shot
بتظهر كدمامل ف السقف
بترش مية نار ع الدوبلير
واسطوانة الـ Audio بتفرج ضحك هستيري للـ " Cast "
والسيناريست بيتفرج على مساعد المخرج
وهو بيحشر وردة مابين رجليه
( منتج )
ماسكات كتير مرمية ع الأرض
عساكر استانلس بتتكفن ف البيادات الميري
وطلعت حرب
بيقعد على كرسي بعد الإصابة
بدوالي الساقين
( والمسؤلية ع الرجيسير )
( Break )
مكساج لصوت " عب باسط "
" ما تيسر من الأحزاب "
وكراسي عمالة تزيق بعد اجتماع مغلق
ونشيد وطني
و ..
ديكور بيوضح الحروب اللي بتدخلها
وبتسيب أعضائك بره الكادر
فينكسر كل إزاز البلاتوه
بالتزامن مع الشاشات الفضائية
" واللي اتكسر ممكن .. "
نشيل حرف الجر من قدامه
( ووكر )
Shot ( إتصور يوم 28 منه )
لوحة مفاتيح
الفراغات اللي بين زرايرها
شوارع متاقطعة
الدم بيجري فيها بانتظام
وبانتظام شديد
كومبارس
بيلزق دقنه برياله
" يع "
وبتنطقها قبل ما تتأكد م الجملة في الديكوباج
" إنتي هتخشي النار "
و ...
بالرينا بترقص فوق قبرك
وملايكة جرافيك
بتصب على قلبك لوليتا !
ليست هناك تعليقات:
إرسال تعليق