رمضان كريم
بيلمّ ضحك الطيبين
وبيفرده رحمه ونعيم
ويلم شمل الغضبانين
على نبع أصفا مْن الحليب
والتمر يتحًّني بعسل
تتدلًّى عراجينه بحنين
فيمدّ كفه للغلابه
يجف دمع الشقيانين
رمضان كريم
رسم الرضا جوه العيون
منح النفوس جوهر نفيس
واتوضًّى من ماء المشاعر
بطهارة القلب السليم
صوت الأدان ملمس حرير
وكأن جناحات الملايكه
جًّوه المساجد مطلوقين
رمضان كريم
مطلوب تصوم كلٍّ الجوارح ...
ف الجسد حتى اللسان
ونلمّ خيط المعصيه ...
عن كلّ إيد
يتحول اللهب المؤجًّج فى الحياه
برد وسلام
مطلوب نصوم عن كلّ سوء
عن كبر رامي الذات لفوق
مطلوب نفوق
ونعيش على هدى الأمين
رمضان كريم
البدر فوق سطح البحور
عكس الضيا ذكر وصلاه
لقف الغريق طوق النجاه
وتوانس الشطّ بصديق
الجنه معروفة بطريق
والسكّه حيّ على الفلاح
لو كلنا نرضى النصيب
ونمدّ يدّ الحلم رحمه
ف كل ضيق
ها تفوح روايح زرعنا
حبّ وصلاح
نرجع كما الطفل الرضيع
من غير جبين يعرق اثام
لو كل جار يصبح حميم
ويمدّ على طرف الماعون
بسمة ونس شهد وحلال
لو كل بيت يفتح مسار
لغصون جميله بتشتهى ...
زهر الكلام
رمضان حزين...
م اللي اتحبس جوًّه النفوس
لما الضغينة اتحركت
طفت الفرح جوه الفانوس
والفجر مستنّي الصفا
علشان نصوم
رمضان كريم
بيصبّ ماء الطهر
يغسل كل عيب
ويمد جسر من الوئام
بلسم أمان
منقول من وكالة أنباء الشعر
ليست هناك تعليقات:
إرسال تعليق