الخميس، 9 سبتمبر 2010 - 16:43
شبابيك كردون الحميات
خشبها سنط وعالية
عملها اللى عملها
وكان صنايعى
كل شغله عمولة
نطيت
والنطة جت ف حجر أبويا
فريرة وقبل ما نروح
فت ع حيطان العنبر
ووش المخدة
رسمه ...
ف سوق الأحد
إيدى ف إيد أبويا
مستغرب ...!
هو ليه
- ناوى يبيع جلابيته المرود عليا
- 2 –
رابط رجليا ف السرير
وبردو الغربة شاربانى
مقيل النهار
وسارق الليل
من تحت باطه
ليله ف فرنسا ست ساعات وصحيت
ليلة وشى ف وش العدرا
تدينى عيل .. إديها صورة
وليلة اكنس برمش عينى
تراب السفر
فـــــ تطلعلى حاجت
أقعد أصنف دى وأسنن دى
أروح وآجى ف شوارع المتغربين
أكوى .. كل من هوى وخد الغربة كار
باحمر شارر م الشمس قبل ما تروح
-3-
كاسات الهوا
فوق ضهرى
كليم صوف
كل انفار الدوده
جت زارتنى
إلا البت اللى بتسقى الانفار
بكباية صفيح
ملهاش ودن لسة
جنب خيال المقاتة
مستنيه يقول أشرب
-4-
يوم ما دمى اتبعتر
أنا قولت دمى ف رقاب السنين
معرفتش اعمل م الفسيخ شربات
وادينى ف المطبخ
ولا فيش سحارة تدارينى
تحت باطى جرنان بايت
وقلم بك ملوش لبيسه
زى أى خرمان .. جنب البوتاجاز
مستنى فنجان القهوة يطيب
هذه القصيدة منقولة من موقع اليوم السابع
ليست هناك تعليقات:
إرسال تعليق