متجمد
لحد القرن الخمسين
ولما فاق صرخ قلبه
أنتا مين
فاكر أسمك
فاكر سنك أو عنوانك
فاكر أم بتحضن حلمك
فاكر أوهامك أحزانك
طب فاكر أيه
تعرف ترسم
أرسم لوحه بتنزف دم
أفتح صندوق الروبابكيا
وطلع لعبه
جنيه مخيفه بفستان أحمر
واشنقها على باب الأوضه
أرسم سكه
وامسح من ع السكه ملامحك
أرسم ثوره
طب فاكر أيه
ليك ف التمثيل
مثل مشهد من غير نور
من غير حركه
من غير صوت
ومتقلقش
فجأه هيكسر صمت المشهد
صوت الموت
فاكر غزه
طب فاكرأيه
ووصلت لفين
لسه نيرون بيخرب روما
لسه نيرون قاعد ع التل
لسه الدم بيروي ف أرضك
لسه سلاسل جره الحلم
آه لو ترجع
وتهدها جدران أوهامك
آه لويمشي الحلم ف ضلك أو قدامك
آه لو ترجع
وتمسح من عمرك سنين
لكن مفيش حاجه تقدر
ترجعك ... ثانيتين
ليست هناك تعليقات:
إرسال تعليق