الأحد، 12 سبتمبر 2010 - 09:37
قرر ف توقيت مناسب
ينسحب
وعلى دقات قلبك
اللى بتنفى علاقتها
بكل التقارير الطبية
جايز يرقص
رقصه ملهاش ملامح
وينسى لأول مرة
كرات الدم البيضا
واستقبالها بكل حفاوة
لفيرس سى
لأ ..
دا كمان
هبرر رعشة إيدك
لمه رسمت زوايا
حاولت تسكّن روحك فيها
فانفرجت منك
دلوقت
تقدر تعلق ابتسامة طازة
ف عيون كل الجثث
اللى ساحبهم ف إيدك
هنشيل كلمة كل
لأن فيه جثث
بدأت تتحلل
.................
.................
هياكل عظمية
مصرة تجامل المشهد
وعماله تصقف
مسئولين كتير
وصحفيين
بيفكروا ف مانشيت مناسب
عن مانيكان عجوز
وزّ أصحابه
فقلعوا هدومهم
وقرروا يمشوا ف نص الشارع
من غير هدوم!
هذه القصيدة منقولة من موقع اليوم السابع
ليست هناك تعليقات:
إرسال تعليق