شايفه طشاش
ماشيه مشيت طفل صغير
سابق نورها لليل غشاش
شايفه طشاش
والسكه بيرمح فيها الليل
ووشوش راكبه وابور قشاش
وخطوه ف خطوه
بيبدأ يرسم كل كلام الأرض سكاتها
واللوحه مافيش فيها ريحة اللون
يا ابيض يا اسود
يا اسود يا ابيض
حرب وعايشه ف قلب الكون
لكن تناتيش الروح بتقاوح
رافضه تموت جوه البدروم
رافضه تعيش زي الشايفين
تحت الشمس ف لليل مرسوم
بريشة موت
وجوه المعرض
راح تتخانق لوحه ولوحه
راح تتلغبط كل الألوان
يا ابيض يا اسود
يا اسود يا ابيض
سكه وخايفه من العنوان
ونهاية القصه
راح تنتصر اللوحه العايشه
تحت الشمس
ف لليل مرسوم
بخيوط من نور
والنور عنوان
يا ابيض يا اسود
يا اسود يا ابيض
تحت الأرض مافيش ألوان
ليست هناك تعليقات:
إرسال تعليق