الخميس، 30 سبتمبر 2010 - 16:22
وما بينك وبين الليل عشرة وود
كان لا بد
تبقى أنتِ الشوارع..!
أتوه واعمل ضايع
أمسك ف آخر اسمك
آخد عمرى
لف برة
بالمرة
نلاعب الشوق سوا فوق كفك
نواحيكى وع برك
ارمى قلوعى
من غير ما تبوحى
هات العشق ف نص الطريق
وداديه مداديه
"أنتِ اللى عليكى النيه"
وليه افتك صفحة صفحة
العشق مش علام
أنا شفتك ف المنام
وكنتى أنتِ الشوارع
عيل ف إيدك
من ضهر العشق طالع
له رسمه عيونك
له ريحه توبك
له طعم ولون غناكى
أنا معاكى..
معاكى وما نيش خايف
لا أعيشك وتعيشينى
لا أموت ف عشقك زى الشجر واقف
عشان أنتِ الشوارع
هذه القصيدة منقولة من موقع اليوم السابع
ليست هناك تعليقات:
إرسال تعليق