بترسم على خطوط أيدك وهم
والغجرية الكدابه
رغم أنها عاميه
بتحاول تفتحلوا سكك
عكاز التاريخ
اللي سرقتوا من دولاب أحلامك
مش عارف تتعكز عليه
لأنه نور
وأنتا
ضل
عينك
اللي شنقوا ليلها
مابين أيدين الشمس
بتحاول تنفد بجلدها
وتهاجر
جدار الفصل العنصري
اللي ماشي مابين فصين مخك
مصمم يكمل طريق الموت
جلدك
اللي أتحرق ف ظروف غامضه
ولحمك اللي بقى طبق لبحر الموت
سابوا وصيه لدمك
يمكن يعمل عصيان مدني
مع أنه
هربان
الغريب
اللي فتحلك أيدين السراب
علشان تشرب منها
والتاني اللي زعل دلافين البحر
من عبارة رجوعك للوطن
لما قال
هما السبب
هما اللي باعوا جلدهم
للغجر
ساعتها بس
شَّرخ برائة الطفولة
ف قلبك
آه .....
قلبك
اللي فكر يثور
دلوقتي بعملوله عملية أنعاش
ف أوضة عمليات
موبوئه
ليست هناك تعليقات:
إرسال تعليق